Nòvas d'Occitània 2008/Nòvas n° 70 Octobre 2008

Lo ser dal jòus, lo 5, a Lo Vigan, après lo festin oficial que nos ven ofèrt, lo sòn d'un semiton tira decò mi a chantar (ara lo sabo a memòria!) "Se Canta que cante...".
Lo venre siu solet perque me chal anar a Tolosa e lhi amís chaminaires parton per n'autra jornaa dal lòng chamin. Après lor partença, al levar dal solelh, auvisso encara Peyre, lo contaire de l'Auvernha, chantar sot voutz sas bèlas chançons.
Tantas voutz, tanta sensibilitat: lhi a qui chanta, qui pròva tímid, qui l'escouta e qui chanta un pauc. L'istorieta des variantas de Valerauga es fòrta dins la lucha per lo reconoissiment d'una lenga. N'encroseament de variantas e variacions: a l'entorn de na chançon soleta, se laissa l'espaci per le diferentas voutz, e decò per qualqua fauta. Mec las lengas "oficialas" ambe lor presuncion, norria da l'idea "d'un estat, una lenga" nos vòlon convincir a l'intolerança: o parelh o pas, gavant la possibilitat de la continuitat de las voutz, la polifonia d'aquilhi, que decò bo de grads diferents, se comprenon, pòlon capir e èsser comprés. Lo "barrat" dins la lenga única bo na soleta gramàtica, bo lhi mesmes sòns, gava las seguressas possiblas, las laissa pas florir.

Aquò qu'aprenem, qu'apreno mi dins las tapas d'aqueste percors es la valor qu'a chasque voutz diferenta, quora lhi a la volontat de comprene e bastir.
Dins aquestas Cevenas de resistença, dai Camisards ai Maquis, aquesta leiçon tròba la mai bèla cornís.
La chaminada es un ver símbol dal percors de na lenga, de totas lengas: lhi a un núcleu central que garantís la continuitat, lhi a d'unions e de separacions, mas mec com'aquò lo chant pòl anar anant.

La sera del giovedi 5, a Le Vigan, il suono di un organetto, dopo il ricevimento ufficiale che ci viene offerto, mi trascina e canto anch'io (oramai l'ho imparata!) "Se canta che cante..."
Infine il venerdi resto solo, perche' devo andare a Tolosa e gli amici marciatori partono per un'altra giornata del loro lungo percorso. Dopo la loro partenza, alle prime luci del giorno sento ancora Peyre il narratore dell'Auvergne che canticchia sommesso le sue belle canzoni.

Tante voci, tante sensibilità: c'è chi si lancia nel canto, chi lo prova timidamente, chi appena lo ascolta e lo canticchia. La storia delle "varianti" di Vallerogue e' emblematica della lotta per il riconoscimento di una lingua. Un intreccio di varianti e di variazioni: attorno a una canzone unica, si lasciano spazi alle voci diverse, e magari anche a qualche stecca. Solo le lingue "ufficiali" con la loro paludata presunzione, nutrita sempre dall'idea di "uno stato, una lingua" vogliono convincerci all'intolleranza: o è così, o non è, escludendo in tal modo la continuità delle voci, la polifonia di chi, pur in un certo grado diverso dall'altro, si comprende, può capire ed essere capito. Il feticcio della lingua "unica" con un'unica grammatica, con gli stessi suoni e le stesse parole, scalza subdolamente le certezze possibili, non le lascia fiorire.

Quello che impariamo, che imparo io nelle poche tappe di questo percorso di apprendimento è il valore che ha ciascuna voce differente, quando esista la volontà di capire e di costruire.
In queste Cevenne di resistenza, dai Camisardi ai Maquis, questa lezione trova la sua cornice piu' bella. La marcia emblematizza bene il percorso di una lingua, qualsiasi lingua: c'e' un nucleo centrale che costituisce la continuità, ci sono unioni e separazioni, ma solo così il canto può continuare.

Qu'es lo Felibritge?
Lo Felibritge es la mai vielha associacion del mond per la defensa d'una lenga e de na cultura; es naissut lhi a 154 ans per man d'un grop de literaires, reunits a l'entorn de Mistral, amants de la lenga e sobretot de la poesia di trobadors de l'Etat mesana.
Eron d'òmes que avion pilhaa consciença dal fach que la cultura provençala era un tresòr da defénder derant la centralizacion de la França pòst-revolucionària que volia unifiar tot: nacion, lenga, pensier.

Coma lhi sies intrat e perqué?
Mon barba e mon pechet parlavon provençal e eron ental Felibritge; donc per mi es estat normal, decò se siu pas completament occitan: ma maire ven de la Sicília. Dins ma familha lo Felibritge es totjorn estaa na maniera per gardar la tradicion.
Quora siu creissut me siu rendut tanben còmpte de la filosofia que lhi a darreire tot aquò: ai prés consciença de çò qu'es la lenga d'òc, e de l'existença de na cultura e de na lenga que van da las Alps ai Pireneus.
Me tròbo ben dins aquesta cultura, siu en armonia bo las lueias, compreno lhi topònims de ma tèrra, mercés la lenga ai gardat lo liam ambe la tradicion e aquò me permet de sauber ente anarèi.

Dins lhi ans la mission dal Felibritje es chambiaa?
La mission es totjorn la mesma. Lhi objetcius dal Felibritge, da sempre, son dui: defénder la lenga e la cultura d'òc e crear frairança entre tuchi aquilhi que se reconoisson dins lo pensier e l'òbra de Mistral.

Frederic Mistal, prèmi Nobel per la literatura ental 1904 bo un poèma en provençal "Mireio". Qui era e çò que a representat per la Provença?
Frederic Mistral era lo filh d'un ric proprietari terrier. A 22 ans, terminats lhi estudis da avocat, coma avia volgut son paire, comencet trabalhar per defénder la lenga e la cultura provençalas e per lhi donar já mai na valor a travèrs la poesia. Da pè Mistral se formet un grop d'apassionats de poesia qu'avion en comun la lenga provençala e la volontat de restituïr dinhitat a la lenga e a la cultura de lor tèrra.

Era un trabalh artístic mas tanben polític...
Es important de precisar lo moment istòric ente es naissut lo Felibritge. Mistral era federalista e pensava que la Provença, derant o après, auria agut son autonomia. Après lo colp d'estat dal 1851 de Napoleon, lhi foguet na gròssa insurreccion. En Provença mai de 25000 preneron las armas mas l'insurreccion foguet arrestaa e mai que mila veneron mandats al banh penal, dins aquesta situacion política, Mistral trobet dins la lenga la soleta arma possibla per defénder l'identitat de la Provença.

Qu'es qu'a portat al declin la lenga d'òc en Provença?
Finia la revolucion lhi provençals an agua na certena indipendença culturala. La contea de Provença, era mai fòrta dal règne de França quora lhi es intraa ambe lo matrimòni entre Margarita e Loïs XI, e pr'aquò polguet gardar na sia autonomia e naturalament sa lenga.
Après, bo l'edicte de Villers Coteret dal 1539, la lenga d'òc foguet proïbia dins lhi actes públics e parelh se comencet pèrdre l'ensenhament oficial de la lenga. Lo pòple continuet parlar provençal, mas tuchi aquilhi que trabalhiavon dins la pública administracion polion adobrar mec lo francés.
La revolucion, après, foguet la seconda batòsta: la libertat per tuchi lhi païsans de la França, second París, chalia que passesse a travèrs la possibilitat de se comprene tuchi, bo la lenga francesa coma lenga nacionala.

Lo Felibritge aima lhi símbols. Lhi siei representants pòrton d'espinòlas bo la pervenca, la cigala... l'estela a 7 ponchas. D'ente ven tot aquò?

Mistral aimava ben lhi símbols e se refasia a la simbologia de l'Etat mesana, al "Trobar clus" de la poesia trobadorenca. Es pr'aquò que lo Felibritge a mantengut lhi símbols.
Sa fondacion es avengua lo jorn de la Santa Estèla, lo 21 de mai dal 1854. l'estèla d'aur a 7 ponchas es aquela dal capolié, lhi president regionals la pòrton d'argent.
Dins l'Etat mesana, aqueste era lo símbol d'aquilhi que bastion las catedralas e Mistral s'es sempre considerat un constructor, tant que, l'an derant de murir, ental 1913, a escrich: "Ara podem anar, lo temple es bastit". Fasia riferiment al temple de la cultura e de la lenga d'òc.
L'estèla a 7 ponchas es l'estèla di magistres: es lo símbol de la perfeccion, perque jonh dui numres, lo tres, que representa l'espiritualitat e lo quatre que representa la matèria.
Vòl dir èsser magistre sie dins la vita de la tèrra sie d'aquela de l'esperit.
Lhi a tanben n'autra simbologia liaa a l'estèla dal Balthazar, a 16 ponchas, de la quala l'estèla a 7 ponchas seria filha (1+6). L'estèla de la familha di Baus, que second d'istòrias venion directament dai Reis Mages. Coma per dir: qui respecta la tradicion es un disciple di mages, qualqu'un que garda lo chamnin, que conóis la via justa.
La simbologia, ben presenta dins l'òbra de Mistral, a donaa fiertat a la gent.
Mon pechet era un païsan e sabia a memòria lo premier cant de Mireio. Mistral a donat ai païsans un poèma dins lor lenga mairala e a travèrs la poesia a chambiat lo monde.

Che cos'è il Felibrige?
Il Felibrige è la piú vecchia associazione del mondo per la difesa di una lingua e di una cultura; è nato infatti 154 anni fa da un gruppo di letterati, riunitisi intorno a Frederic Mistral, appassionati della lingua e soprattutto della poesia medievale trobadorica. Erano uomini che avevano preso coscienza di come la cultura provenzale rappresentasse un tesoro da difendere di fronte alla spinta centralizzatrice della Francia post rivoluzionaria, che tutto voleva unificare: nazione, lingua, pensiero.

Come sei entrato a farne parte e perchè?
Mio zio e mio nonno parlavano provenzale e facevano parte del Felibrige; quindi per me è venuto di conseguenza, anche se non sono completamente occitano: mia madre infatti è siciliana. Nella mia famiglia il Felibrige è sempre stato un mezzo per conservare la tradizione. Quando sono cresciuto mi sono reso conto della filosofia che sta dietro a tutto questo: ho preso coscienza di quest'entità che è la lingua d'òc, e dell'esistenza di una cultura e una lingua che vanno dalle Alpi ai Pirenei.
Mi ritrovo in questa cultura, mi sento in armonia con i luoghi, comprendo la toponimia della mia terra; grazie alla la lingua ho conservato il legame con la mia tradizione e questo è anche un buon mezzo per sapere dove andrò.

E' cambiata negli anni la missione del Felibrige?
La missione non è mai cambiata. Due sono da sempre i fini del Felibrige: difendere la lingua e la cultura d'oc e creare una fratellanza tra tutti coloro che si riconoscono nel pensiero e nell'opera di Frederic Mistral.

Frederic Mistal, premio Nobel per la letteratura nel 1904 con un poema in provenzale intitolato "Mireio". Chi era e che cosa ha rappresentato per la Provenza?
Frederic Mistral era figlio di un ricco proprietario terriero. Una volta compiuti gli studi da avvocato secondo i voleri del padre, a ventidue anni, decise di lavorare per difendere la lingua e la cultura provenzale, e ridonarle un valore attraverso la poesia. Intorno a Mistral si runì un gruppo di appassionati di poesia accomunati dall'uso del provenzale e dalla volontà di restituire dignità alla lingua e alla cultura della loro terra.

Si trattava di un lavoro politico oltre che artistico...
Occorre inquadrare il momento storico in cui nacque il Felibrige. Mistral era federalista e pensava che la Provenza avrebbe presto o tardi ottenuto la sua autonomia. Dopo il colpo di stato del 1851 ad opera di Napoleone Bonaparte, ci fu una grossa insurrezione. Furono più di 25000 persone in Provenza a prendere le armi e l'insurrezione, che per un certo periodo sembrò vincente, fu infine repressa; oltre mille ribelli furono mandati al bagno penale. In questo clima politico Mistral individuò nella lingua e nella poesia l'unica arma possibile per difendere l'identità della Provenza.

Quali furono le ragioni del declino della lingua d'oc in Provenza?
I provenzali hanno avuto, fino alla Rivoluzione, una certa indipendenza culturale. La contea di Provenza era più forte del regno di Francia, quando entrò a farne parte attraverso il matrimonio tra Margherita e Luigi IX, per questo potè conservare una propria autonomia e naturalmente la propria lingua. In seguito, con l'editto di Villers Coteret del 1539, la lingua d'oc venne vietata negli atti pubblici e andò così perduto l'insegnamento ufficiale della lingua. Il popolo continuò a parlare il provenzale, ma tutti coloro che lavoravano nella pubblica amministrazione furono costretti ad usare soltanto il francese.
La rivoluzione, poi, rappresentò la seconda batosta: la libertà che veniva donata a tutti i contadini francesi, doveva passare, secondo Parigi, attraverso la possibilità che tutti si comprendessero, adottando la lingua francese come lingua nazionale.

Il Felibrige ama i simboli. I suoi membri sono riconoscibili dalle spille che portano con la pervinca, la cicala, la stella a sette punte... Da cosa deriva tutto questo?
Mistral era appassionato di simboli e si ricollegava alla simbologia medievale e al "trobar clus" della poesia trobadrica. Per questo il Felibrige ha continuato a portare dei simboli. La sua fondazione è avvenuta il giorno della Santo Estelo, il 21 maggio 1854. La stella d'oro a sette raggi è quella che porta oggi il capoulié, mentre i presidenti regionali portano la stella d'argento. Nel Medioevo era il simbolo dei costruttori delle cattedrali e Mistral si è sempre considerato come un costruttore, tanto che l'anno prima di morire, nel 1913, ha scritto: "Aro poudem anar, lou temple es bastit". Si riferiva al tempio della lingua e della cultura d'oc. La stella a sette punte è la stella dei maestri: simboleggia la perfezione, perché è l'unione di due numeri, il tre, che rappresenta la spiritualità e il quattro che rappresenta la materia. Significa padroneggiare sia la vita terrena che quella spirituale. C'è anche un'altra simbologia legata alla stella del Balthazar, a sedici punte, della quale la stella a sette punte sarebbe figlia (1 + 6). La stella della famiglia dei Baus, secondo la leggenda discendenti dai re magi. Come a dire: chi rispetta la tradizione è un discepolo dei magi, qualcuno che tiene il cammino, che conosce la via giusta.
La simbologia, di cui è ricca l'opera poetica di Mistral, ha dato fierezza alla gente. Mio nonno era un contadino e consceva a memoria il primo canto di Mireio. Mistral ha donato ai contadini un poema nella loro lingua madre e attraverso la poesia ha cambiato le persone.

La velha, a Vissec, una serada era atanben prevista en son onor. Nòstre "Cafè occitan", convidat pel conse, Laurent Pons, decidiguèt de s'i jónher e siaguèrem pas mens de 18 a i anar. Siaguèt per ieu lo primièr grand moment d'emocion. Abutar dins aquesta pichòta sala comuna, plena coma un uòu, - i aviá al mens cent personas - e i veire una femna parlant ambe passion - reconosquère sul pic Inès, qu'aviái pas jamai rencontrada - apetegant lo public present, a explicar ambe conviccion çò que, eles, los 7 caminaires, venián de faire e èran en trin de viure, me tresvirèt. En una minuta, veniái de comprendre ço qu'èra vertadièrament "Occitània a pè". Inès, Dario e Peyre sapièron en quauques instants nos comunicar sa fervor e son espèr. Nos diguèron sa suspresa d'èstre estats pertot aculhits d'un biais excepcional, nos contèron son estonament d'abure descobèrt, tot al long del camin, dins las vilòtas e los pichons vilatges traversats d'iniciativas nombrosas al benefici de la lenga d'òc, nos raportèron cossí se fa uòi, un pauc pertot, un trabalh enòrme de terren, se recampam l'ensemble de çò que se fa, de còps que i a de causas modèstas, mas totjorn efectivas. Fin finala, nos diguèron son vòt que totas aquelas iniciativas se fedèren en una mena de grand moviment, plegadís mas eficaç, e son espèr que "Occitània a pè" siá la beluga d'onte partisca aquel moviment. En un mòt, aquest primièr contacte siaguèt per ieu una mena de revelacion. Mas nos caliá tornar per preparar l'endeman.

A las 2 oras, al rendètz-vos de la Coberturada, un trentenat de personas èran ja presentas e sens esperar mai, sèm partits al rescontre dels 7 caminaires de la Chambra d'òc, eles ja accompanhats per un trentenat de personas de mai aquel jorn. Lo conctacte se faguèt, just abans las Gòrjas de la Virenca, a l'èst de La Coberturada e, donc, sèm abutats, a l'entorn de setanta al vilatge ; èra ja mai de las 4 oras. Las festivitats debutèron per una "fotò de familha", a l'entorn de la polida lavanha que se trapa a la dintrada del vilatge. Mas caliá, solide, daissar los caminaires se dochar e se repausar al "Jaç de la Ciutat". Rendètz-vos donc a las 5 or. e mièja per la visita del vilatge. A l'ora dicha, los volontaris an coratjosament afrontat la cisampa per descobrir la ciutat medievala de La Coberturada, en occitan, menats per un guide plan assabentat, membre de nòstre "Cafè occitan", Cristian Dur, que nos faguèt una visita mirgalhada d'anecdòtas saborosas.
E un pauc abans las 7 or., ambe ja mièja ora de retard, comencèt la recepcion oficiala a la Sala de las Fèstas de La Coberturada. Coma a Vissec, la velha, siaguèt un moment fòrça bèl, ambe encara una centenat de personas acampadas, venant d'un pauc pertot, mai que mai del departament vesin d'Erau. Après un acuèlh en occitan prononçiat per Peire Marcilhac, de Milhau, que accompanhava los marchaires dempuèi una setmana, e un mòt brèu de l'adjonch del conse, arribèt lo moment fòrt de la serada : l'omenatge a Max Roqueta, lo grand escrivan occitan, disparegut i a tres ans que una partida de sas raices familialas se trapan a La Coberturada e que evoquèt mai d'un còp lo Larzac dins son òbra. Lo president de l'associacion dels "Amics de Max Roqueta", l'escrivan Joan-Frederic Brun, nos diguèt son plaser e son emocion d'aculhir los marchaires de la Chambra d'òc. Inès e Dario tornèron alara nos dire son messatge prononciat la velha a Vissec. Puèi venguèt un moment solemne : la lectura de dos extraches de Max Roqueta per Rotland Pecot, lo poèma "Larzac" e lo debut de "l'Autbòi de nèu" que l'istòria se debana justament tot près de La Coberturada. Puèi, lo filh de l'autor, Joan-Guilhèm Roqueta, present demest nos, ofriguèt als marchaires un libre subrebèl de fotòs sul Larzac que son tèxtes èran estats escrichs per son paire, per accompanhar los polits imatges del fotograf, Georges Souche, atanben demest nos aquel ser. Aquel present siaguèt completat par quauques botelhas de vin de Sant Sadornin - dins Erau - d'una cubada especiala dedicada a Max Roqueta e ornadas d'etiquetas portant un dessenh de l'autor. Alara, just aprèp, espontanament, s'enaucèron las paraulas del "Se canta" tanlèu represas per la sala e cantadas ambe una fervor tota particulara. En seguida, sul pic, Jòrdi Causse, un autre abituat del "Cafè occitan" entonèt sa bèla cançon tan simbolica "Las regas" **. Lo public escotèt, gòrjabadat, aquesta cançon subrebèla plena d'espèr, evocant la passat, lo present e l'avenir de nòstra lenga. L'emocion ne siaguèt alara ala cima. Mas enfin, lo moment de destenda, plan meritat, abutèt ambe l'aperitiu ofèrt per la comuna. Siaguèt alara lo temps, coma pertot, dels escambis e de las presas de contacte, temps que se prolonguèt pendent lo repais partejat e l'animacion musicala del grop de musicaires de l'associacion "Recaliu" de Milhau. Fin finala, aquela mièja jornada siaguèt una brava fèsta e una capitada gràcias a la mobilisacion e a la collaboracion de la còla dels onze associats *, ja evocats çai sus, que divon èstre mercejats per aquò.

Per resumir mon sentiment, voldriái dire qu'aquesta Marcha "Occitània a Pè" es tot simplament una idèa geniala. Solide, sa tòca es l'insripcion de nòstra "Lenga d'òc" sus la lista del Patrimòni mondial de l'Umanitat de l'Unesco, e espère que capitarem. Mas, subretot, vese, après abure acompanhat los marchaires pendent quatre jorns, qu' "Occitània a Pè" provòca lo rescontre del pichon monde dels occitanistas ambe l'univèrs immens dels occitanofòns naturals, - los que dison que parlan "patoès" - e que son plan mai nombroses que ne se pensa, dos ensembles de personas que, malurosament, se costejan sense, lo mai sovent, se conóisser o abure d'escambis. Vos pòde assegurar que d'escambis aital n'ai vistes mai d'un pendent aquestes quatre jorns. Fin finala, pense, qu'aquesta marcha, un mejan que cadun pòt pas èstre contra, un mejan que, al contrari, atira curiositat e simpatia, fa nàisser, un pauc pertot, una mobilisacion sul terren. Es aquesta mobilisacion que nos cal d'ara a l'endavant manténer e desvelopar per aténher nòstra finalitat, donar un vam novèl a la lenga occitana, sus son territòri tot entièr.

* La Comuna de La Coberturada, La Mission Departementala de la Cultura d'Avairon, La Carta Lodevés-Larzac, Los Amics de Max Roqueta, Lo Fogal Rural de Laurós, Lo Fogal rural de St-Maurice-Navacelas, Lo Cercle occitan del Lodevés, l'assoc. "Recaliu" de Milhau, IEO Lengadòc, Lo Jaç de la Ciutat de La Coberturada, Lo Cafè occitan de «Larzac Vilatge d'Euròpa».

** Cançon de Bernat CONNAC (par. e mus.) e Joan Pèire SIORAT (mus.) del grop "La Companhía del Sauvatèrra" (1974)

* La Commune de La Couvertoirade, La Mission Départementale de la Culture de l'Aveyron, La Charte Lodévois-Larzac, Les Amis de Max Rouquette, Le Foyer Rural de Lauroux, Le Foyer Rural de St-Maurice-Navacelles, Le Cercle occitan du Lodévois, l' association "Recaliu" de Millau, Le Gîte de la Cité de La Couvertoirade, l'Institut d'Etudes Occitanes - Languedoc, Le Café occitan de "Larzac Village d'Europe".

** Canzone di Bernard CONNAC (par. e mus.) e Jean-Pierre SIORAT (mus.) del gruppo "La Companhía del Sauvatèrra" (1974)

Los autres de la còla (dal grop), ROBERTA, una jornalista jova de La Stampa, RICCARDO, un fotògraf de mestier, ELISA, la cineasta que filma e enregistra lor aventura, MANUELA e PEYRE los cacho-nis (lhi beniamins) de la còla, los tecniciens de l'internet e, a la fin e sobretot INES « lo cap-accion » que, coma una vertadiera apassionada de lenga, arresta pas, en occitan, de nos parlar de son apèl perque vive la lenga occitana.
Parlar en occitan, sa lenga mairala, es per Ines, una rason de viure, parlar encara e totjorn, comunicar sobre l'istòria, la vida, la cultura dels pòples, la literatura, es una vertadiera amorosa de Frederic Mistral - a agut lo prèmi Nobel de la literatura, aquò es un grand onor per nosautres occitans » çò ditz.
« Avem chausit - ditz Dario - de tirar tot drech per traçar nòstre viatge dins los país de la lenga occitana, avem donaa la preferença als vilatges perque lhi vivon en maniera pus vera que dins las vilas.
Es pas question per nosautres de faire solament una espassejada, volem que nòstras tres culturas se rescontren, eschambiar nòstres problèmas, descurbir nòstra vida, pensar a nòstre avenir, e de que lhi a de pus esmovent que de lo faire dins una lenga que nos plaça al mesme nivèl » (Dario, ancian professor de las escòlas, parla sensa pena 4 lengas, l'occitan, l'italian, lo francés e lo piemontés) « Dins mon Piemont natal, país d'emigracion, aquò es normal », çò ditz.
« Avem besonh que nos (ajudessiatz) ajuatz - nos ditz Ines - . Es pr'aquò que a cada tapa, encontrem los responsables de l'endrech, las associacions occitanas, los elegits, séndics, conselhiers generals. Lhi demandem de sosténer nòstre apèl.
Que coratge físic e moral a aquela pichòta còla de vertadiers samurais al servici de la lenga.
Pendent qualquas oras, lo temp d'una marcha ensema, avem partajaas nòstras coneissenças, lor parlaviam del país, del chamin de Stevenson (aquò es en 2008 lo 130 esim aniversari de son viatge dins las Cevenas), de la bèstia de Gevaudan, de nòstre reires, los Gabals.
Nos an parlat de l'Itàlia, de la familha, de lor vida de cada jorn, de la lenga occitana e encara e totjorn d'aquela lenga que per Ines deu devenir e demorar la lenga d'un grand territòri sobre tres grands estats de l'Euròpa.
Los quitem ame esmoguda (emocion), lor disem a ben lèu... e, per los encoratjar, lor dediquem aquesta chançon :

L'OCCITÀNIA EN MARCHA
(lenga d'Òc, dialècte gevaudanés)

Avem chausit de partir en viatge
Avem chausit de quitar nòstre ostal
Sem decidats e avem de coratge
Sem decidats e volem chaminar

La chamba me fai mal sul chamin de la França
La chamba me fai mal sul chamin de Val d'Aran

Quand aurèm vist sus los chamins los fraires
Quand aurèm vist los monts e las valadas
Tornarèm mai al país de la Maire
Tornarèm mai al país tant aimat

E l'an que ven se sem encara en vida
E l'an que ven veneretz nos vistalhar
Farèm aitant reviure l'Occitània
Farèm aintant reviure l'amistat

christian planchon, los amís dal Païs e l'Escolo Gabalo

Abbiamo scelto di partire in viaggio
Abbiamo scelto di lasciare la nostra casa
Siamo decisi e abbiamo coraggio
Siamo decisi e vogliamo camminare

La gamba mi fa male sulla strada della Francia
La gamba mi fa male sulla strada della Val d'Aran

Quando avremo visto sulle strade i fratelli
Quando avremo visto i monti e le vallate
Torneremo di nuovo al paese della Madre
Torneremo di nuovo al Paese tanto amato

E l'anno che viene se siamo ancora vivi
E l'anno che viene verrete a vederci
Faremo cosí rivivere l'Occitania
Faremo cosí rivivere l'amicizia.

christian planchon, les amis du Païs et l'Escolo Gabalo